Krim makabër! Djali djeg të gjallë nënën dhe xhaxhain në Greqi, më pas hidhet nga ballkoni
Heraklion, Greqi – Një ngjarje e rëndë ka ndodhur mbrëmjen e së premtes në rrugën Halepa, Mastaba, në Heraklion të Kretës, ku dy persona humbën jetën në rrethana dramatike. Një person dyshohet se i ka vënë flakën nënës dhe xhaxhait të tij brenda apartamentit.
Sipas raportimeve të policisë, një prej viktimave u gjet me një qese mbi kokë, duke shtuar dyshimet se ishte mbytur me asfiksim para se të digjej. Pas aktit të rëndë, autori i dyshuar tentoi të vetëvritej duke u hedhur nga ballkoni, por u gjet në gjendje të rënduar psikologjikisht dhe u dërgua me urgjencë në spital.
Trupat e viktimave u gjetën të djegura në zona të ndryshme të apartamentit, ndërsa zjarrfikësit mobilizuan një numër të madh të forcave, me 16 zjarrfikës dhe 4 automjete për të shuar zjarrin dhe për të nxjerrë viktimat.
Mësohet se nëna e autorit vuante nga një sëmundje që e pengonte të ecte, ndërsa ende nuk janë zbardhur motivet e krimit. Policia po heton gjithashtu gjendjen psikike të autorit dhe rrethanat që çuan në këtë tragjedi të rëndë familjare.
Ngjarja ka tronditur komunitetin lokal dhe mbetet objekt hetimesh intensive nga autoritetet greke.
