LAJM I FUNDIT/ Me 1 kg kokainë, trafikanti godet me makinë 3 agjentët e antidrogës! Efektivi qëllon për vetëmbrojtje, e plagos
TIRANE – Një operacion antidrogë u ndërmor në orët e vona të mbrëmjes së sotme (21 marsit 2024) në Tiranë.
Pikërisht në rrugën e Kavajës, pranë Lidhjes së Shkrimtarëve policia dhe agjentët e antidrogës kanë ndaluar një makinë ku ndodhej 1 kg kokainë.
Trafikanti në përpjekje për t’u larguar i ka dhënë indietro makinës dhe ka goditur 3 agjentë të antidrogës dhe ka dëmtuar makinën e policisë.
Në kushtet e vetëmbrojtjes një prej policëve ka qëlluar me armë dhe plumbi e ka kapur në pjesën e kofshës.
Raportohet se nuk ka probleme për jetën. Si pasojë e përpjasjes makina e policisë ka pësuar dëme të shumta, ndërsa policët janë rrëzuar për tokë, por për fat të mirë nuk raportohet për dëme serioze. Në vendin e ngjarjes kanë mbërritur forca të shumta, përfshirë edhe AMP-në.
Lajmi ne perditesim…
