LAJMI I FUNDIT- Tensione sërish në veri, serbët protestojnë para ndërtesa të komunave, në Zveçan policia hedh gaz lotsjellës
Foto nga vendngjarja
Tensionet në veri të Kosovës vijojnë që prej ditës së premte, kur serbët penguan kryetarët e rinj të komunave që të futeshin në zyra.
Ndërkohë në orët e para të mëngjesit, grupime qytetarësh serbë janë mbledhur në komunat e Leposaviçit, Zubin Potokut dhe Zveçanit, ku edhe ka prani të shtuar të forcave të policicisë dhe KFOR-it.
Sipas medieve kosovare raportohet se policia ka hedhur gaz lotsjellës për të shpërndarë protestuesit.
Kujtojmë se ditën e premte kryetarët e Leposaviçit, Zveçanit e Zubin Potokut u penguan nga protestuesit serbë që të hynin në zyrat e tyre, gjë që solli edhe përplasjen e tyre me forcat e policisë së Kosovës.
Kjo e fundit përdori gaz lotsjellës për të shpërndarë qytetarët. Nga përplasjet në veri mbetën të plagosur. Ndërkombëtarët bëjnë thirrje që palët të ulin tensionet dhe të qetësojnë menjëherë situatën.
