KRONIKËSTAR CHANNEL
Llogara – Policia shpëton dy turistë francezë që humbën në parkun kombëtar
Dy turistë francezë, të cilët po eksploronin Parkun Kombëtar të Llogarasë, kanë humbur orientimin dhe kanë kërkuar ndihmë nga shërbimet e Policisë.
Menjëherë pas marrjes së njoftimit, shërbimet e Policisë Himarë, në bashkëpunim me zjarrfikësit e Bashkisë Himarë, nisën kërkimet. Pas tre orësh kërkimesh në terren të vështirë, ata arritën të lokalizojnë dhe të shpëtojnë turistët, të cilët më pas u transportuan në hotelin ku qëndronin, në gjendje të mirë shëndetësore.
Reklama në FieriWeb - “PIZZA ITALIA FIER”
Policia e Shtetit siguron qytetarët dhe turistët se mbetet e përkushtuar për ndërhyrje të shpejta në raste emergjente, duke garantuar sigurinë në të gjitha zonat turistike të vendit.
