AKTUALITET
Luan Baçi sfidon policinë: Nuk paraqitem, jam në mosbindje civile. Shoqërimet e protestuesve janë presion që nuk na ndal!
Deputeti i Partisë Demokratike, Luan Baçi, ka dhënë një deklaratë të fortë nga Komisariati i Policisë Fier, duke e cilësuar shoqërimin e protestuesve në polici si një formë presioni që nuk do t’i ndalë demokratët në aktivitetet e tyre.
Ai ka theksuar gjithashtu se nuk ka ndërmend të paraqitet në polici, duke deklaruar se ndodhet në një akt të mosbindjes civile dhe nuk njeh autoritetin përkatës në këtë rast. Deklaratat e Baçit vijnë në një kohë të tensionuar mes Partisë Demokratike dhe autoriteteve të rendit, duke theksuar kundërshtinë e tij ndaj mënyrës së trajtimit të protestave nga ana e policisë.
