Lumi i Egër në Luftë me Kompanitë Naftënxjerrëse – Vjosa, lumi i mbrojtur ndotet nga mbetjet e hidrokarbureve
Në Fier, ndotja nga kompanitë naftënxjerrëse dhe përpunuese po kërcënon seriozisht mjedisin dhe jetën e banorëve . Përtej ndotjes së vazhdueshme të lumit Gjanica, tashmë edhe lumi Vjosa i njohur si lumi i fundit i egër në Evropë dhe i shpallur Park Kombëtar po përballet me derdhje të vazhdueshme mbetjesh hidrokarbure.
Pamjet ekskluzive të siguruara nga Fieri Web tregojnë vendburimin e Drenovës, ku nis shkarkimi i këtyre mbetjeve toksike që përfundojnë në përroin e Gorishovës dhe më tej në lumin Vjosa.
Era gaz ndihet sapo ngrihemi në mëngjes, tregon një banor. Bagëtitë nuk pinë ujë sepse ngordhin, dhe ne nuk kemi çfarë të bëjmë. Këto janë shkarkime nga puset C37 në Drenovë. Uji helmon gjithçka, shkon në Vjosë dhe dëmton peshqit, tokat tona, madje edhe detin.”
Banorët e Drenovës dhe Gorishovës kanë kërkuar vazhdimisht ndërhyrjen e institucioneve për të ndalur këtë katastrofë mjedisore, por zërat e tyre kanë mbetur pa përgjigje. Shkarkimet hidrokarbure tashmë kanë ndotur edhe ujërat nëntokësore, duke e bërë të padurueshme jetesën në këtë zonë.
Ne na demton edhe tek prodhimi i tokave thote nje banor i fshatit Drenove, era e ambientit eshte shume e keqe, ketu clirohet edhe gaz shkarkimet qe bejne punetoret i bejne vend e pa vend. Kemi edhe disa vendburime uji edhe ato jane aty afer.Nafta qe derdhet kalon ne perrua dhe ven direkt ne vjos. Kjo situate ka koh qe ndodh por kete vit eshte shtuar me shume nuk ka pergjesi. Keto jane ne pronesi te Alb Petrolit. I bejme ithrrje te ven doren ne zemer sepse na rrezikohet edhe shendeti.
Thirrja për ndërhyrje është urgjente. Banorët kërkojnë që institucionet përgjegjëse të marrin masa të menjëhershme për të ndaluar ndotjen e mjedisit, duke mbrojtur tokat bujqësore, burimet e ujit të pijshëm dhe jetën e tyre. / fieriweb.com
