KRONIKË
Lushnjë – 68-vjeçarja dyshohet se është vetëhedhur nga pallati, humb jetën
Një ngjarje tragjike është shënuar gjatë natës në qytetin e Lushnjës. Në lagjen “Kongresi”, dyshohet se një 68-vjeçare është vetëhedhur nga kati i tetë i pallatit ku banonte, duke ndërruar jetë në vend.
Reklama në FieriWeb
Viktima është identifikuar si shtetasja A. P., e cila, sipas informacioneve paraprake, vuante nga sëmundja e parkinsonit.
Në vendngjarje kanë mbërritur shërbimet e Policisë dhe grupi hetimor, të cilët po punojnë për të zbardhur plotësisht rrethanat e ngjarjes.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
