KRONIKË
Lushnjë, qendra tregtare në flakë/ Forcat zjarrfikëse vijojnë evakuimin e banorëve të pallatit
Qendra tregtare ‘Metropol’ është përfshirë nga flakët mesditën e së hënës në Lushnje, duke bllokuar dhjetëra njerëz që ndodheshin në të.
Forcat zjarrfikëse te Lushjnës gjithashtu edhe ato te ardhura nga Fieri, Patosi, Kavaja, Divjaka, Berati Durrësi e Tirana po vijojnë evakuimin e banorëve të pallatit ku ndodhet edhe qendra tregtare.
Dy gra të moshuara u evakuan së fundmi, të cilat më pas u transportuan me ambulancë për në spitalin e Lushnjes.
Ndërkaq dyshohet se janë rreth 40 persona të cilët kanë mbetur të bllokuar në apartamentet e tyre.
Në vendin e ngjarjes kanë mbërritur ministri i Brendshëm, Taulant Ballam kryebashkiakja e Lushnjes, Eriselda Sefa si dhe deputeti i Partisë Socialiste, Erion Braçe.
