KRONIKË
Makina del nga rruga në Thumanë, dy turistet humbasin kontrollin dhe përplasen me barrierën anësore
Dy shtetase kanë shpëtuar mrekullisht nga një aksident pranë Thumanës.
Ngjarja ka ndodhur rreth orës 02:00 të mëngjesit pranë rrethrrotullimit në aksin Thumanë-Fushë Krujë, teksa dy shtetaset e huaja udhëtonin në drejtim të Tiranës, ndërsa kanë humbur kontrollin duke u përplasur me barrierën anësore dhe më pas kanë përfunduar jashtë rrugës.
Patrulla e policisë së qarkullimit ka njoftuar autoambulancën, më pas janë dërguar për ndihmë mjeksore. Mësohet se dy shtetaset janë dëmtuar lehtë.
