Makina në aksin Fushë Krujë-Tiranë përplas babë e bir, humb jetën 4-vjeçari
Një aksident i rëndë ka ndodhur mbrëmjen e sotme në rrugën Fushë Krujë-Tiranë, në fshatin Tapizë. Sipas njoftimit të Policisë mësohet se mjeti tip “Benz” me drejtues shtetasin E.B ka aksidentuar shtetasin V. B., dhe fëmijën e tij të mitur 4 vjeç.
Fatkeqësisht si pasojë e plagëve të marra 4-vjeçari ka humbur jetën në spital. Ndërkohë, drejtuesi i mjetit është shoqëruar në Polici.
Njoftimi i plotë i Policisë:
Krujë/Informacion paraprak
Më datë 06.01.2024, në rrugën Fushë Krujë-Tiranë, në fshatin Tapizë, mjeti tip “Benz”, me drejtues shtetasin E. B., ka aksidentuar shtetasin V. B., dhe fëmijën e tij të mitur 4 vjeç. Si pasojë e dëmtimeve të marra nga aksidenti, 4-vjeçari ka ndërruar jetë në spital.
Drejtuesi i automjetit është shoqëruar në Polici për veprime të mëtejshme procedurale.
Grupi hetimor po punon për sqarimin e rrethanave të aksidentit.
