Mallakastër – Zbulohet dhe asgjësohet parcelë me 1881 fidanë kanabis, arrestohen 2 persona dhe procedohen penalisht 2 të tjerë
Policia e Mallakastrës ka finalizuar një tjetër goditje ndaj veprimtarisë kriminale të kultivimit të bimëve narkotike, në kuadër të operacionit policor të koduar “Koordinata”.
Gjatë kontrolleve në territorin e fshatit Çërrilë, shërbimet e Komisariatit të Policisë Mallakastër zbuluan një parcelë me 1881 fidanë të dyshuar narkotikë të llojit cannabis sativa, të cilët u asgjësuan me djegie.
Në momentin e ndërhyrjes, dy shtetas u kapën në flagrancë duke ujitur bimët narkotike dhe u arrestuan menjëherë. Bëhet fjalë për:
- A. S., 53 vjeç, banues në Greshicë
- E. Sh., 34 vjeç, banues në Çërrilë
Të dy u arrestuan për veprën penale “Kultivimi i bimëve narkotike”.
Në lidhje me këtë rast, është proceduar penalisht edhe kryeplaku i fshatit, shtetasi I. S., 63 vjeç, për veprën penale “Shpërdorimi i detyrës”.
Gjithashtu, u referuan materialet në Prokurori për shtetasin M. Z., 44 vjeç, banues në Ballsh, pasi gjatë kontrollit të banesës së tij iu gjetën:
- një armë sportive,
- 12.400 euro,
- 400 paund dhe
- rreth 900.000 lekë të reja,
të cilat dyshohet se janë përfituar nga veprimtaria kriminale.
Policia bën me dije se vijojnë hetimet për dokumentimin e plotë të rastit dhe identifikimin e personave të tjerë të përfshirë në këtë aktivitet të paligjshëm.
📞 Qytetarët mund të denoncojnë çdo rast të paligjshmërisë në numrin 112 ose në Komisariatin Dixhital.
