Mbrëmje festive për 8 Marsin në Londër – Bashkimi Fierak falënderon pjesëmarrësit dhe artistët

Me rastin e organizimit të eventit për 8 Marsin – Ditën Ndërkombëtare të Gruas, nga Bashkimi Fierak në Mbretërinë e Bashkuar, Londër, dëshirojmë të shprehim mirënjohjen dhe falënderimin tonë të sinqertë për të gjithë pjesëmarrësit që ishin pjesë e kësaj mbrëmjeje të bukur dhe të veçantë.

Faleminderit nga zemra të gjithë bashkëatdhetarëve dhe miqve që na nderuan me praninë e tyre dhe kontribuan që ky event të ishte kaq i ngrohtë, i gëzueshëm dhe plot emocion.

Një falënderim i veçantë shkon për artistët fierakë Ina Nallbani dhe Dritan Lluka, të cilët me talentin dhe performancën e tyre i dhanë edhe më shumë bukuri dhe atmosferë festive kësaj mbrëmjeje.

Ju falënderojmë të gjithëve për mbështetjen dhe për bashkimin që tregojmë gjithmonë si komunitet.

Me respekt,Ilir Biçaku – Kryetar

Lana Tato Ramadani – Sekretare

Bashkimi Fierak në Mbretërinë e Bashkuar