AKTUALITETKRONIKË
Më 15 Mars të këtij viti një trup i pajetë u gjet në një lumë në Ardenne-Seilles në Belgjikë. Dyshohet se viktima mund të jetë shqiptar nga qyteti i Korçës
Për shkak se viktima, e gjinisë mashkull, nuk kishte asnjë dokument identifikimi, autoritetet belge e kanë pasur shumë të vështirë ta identifikojnë.
Viktima kishte veshur bluzë e zezë, pulovër gri, xhaketë e zezë nga marka Northville, pantallona ngjyrë kaki nga H&M, pantallona të zeza nga Wedze, kapele jeshile dhe atlete blu Adidas.
Reklama në FieriWeb - “PIZZA ITALIA FIER”
Gjithashtu në krahun e majtë, viktima ka një tatuazh ku shkruhet diçka dhe një fytyrë dragoi që nxjerr flakë.
Sipas një email-i të mbërritur në redaksinë tonë nga persona që po merren me identifikimin e trupit dyshohet se viktima mund të jetë shqiptar nga qyteti i Korçës, por ende nuk kanë asgjë të konfirmuar.
Ata kërkojnë ndihmën tonë për ta publikuar dhe për të marrë informacione nga persona që mund ta njohin.
