AKTUALITET
Me polifoni Gjirokastrite, Rama jep lajmin e bukur mëngjesin e kësaj të diele
Kryeministri Edi Rama e ka nisur këtë të dielë me një lajm shumë të bukur për të gjithë shqiptarët.
Përmes një video të postuar në rrjetet sociale, ai ka njoftuar rikthimin e Festivalit Folklorik Kombëtar në Kalanë e Gjirokastrës.
Teksa në sfondin e videos dëgjohet një polifoni gjirokastrite, Rama ka theksuar se qyteti i gurtë do të jetë me shumë ngjyra, ritme dhe këngë e valle.
“MIRËMËNGJES
dhe me lajmin e bukur të rikthimit të Festivalit Folklorik Kombëtar në Kalanë e Gjirokastrës së zbukuruar e gjallëruar si me magji nga ngjyrat, motivet, ritmet, këngët e vallet e të gjithë krahinave shqiptare, ju uroj një të diel të paqtë”, ka shkruar ai krahas videos.
