Merr fund arratia/ Në kërkim prej tre javësh, arrestohet 61-vjeçari në Fier, bashkëpunonte me djalin për shitje lëndësh narkotike
Drejtoria Vendore e Policisë Fier ka finalizuar me sukses operacionin e koduar “Peshtani”, duke arrestuar shtetasin D. M., 61 vjeç, banues në fshatin Peshtan Bregas.
Operacioni u krye nga specialistët për Hetimin e Narkotikëve, në bashkëpunim me Forcën e Posaçme Operacionale, pas një pune hetimore të bazuar në informacione të siguruara nga inteligjenca policore.
Shtetasi Dashamir Muçaj, ishte shpallur në kërkim tre javë më parë, pasi dyshohet se ka bashkëpunuar me të birin, Joni (Ervin) Muça, 37 vjeç, i cili u arrestua më 15 nëntor 2024, për veprimtari kriminale të lidhur me shitjen e lëndëve narkotike.
Materialet për këtë rast i kaluan Prokurorisë për procedura të mëtejshme.
Njoftim i DVP Fier:
Vijon operacioni policor i koduar “Peshtani”, kapet 61-vjeçari i shpallur në kërkim.
Specialistët për Hetimin e Narkotikëve, në bashkëpunim me shërbimet e Forcës së Posaçme Operacionale, të DVP Fier, si rezultat i kontrolleve të vazhdueshme për kapjen e shtetasve në kërkim, bazuar dhe në informacionet e siguruara nga inteligjenca policore, kapën dhe vunë në pranga shtetasin D. M., 61 vjeç, banues në fshatin Peshtan Bregas.
Ky shtetas u shpall në kërkim 3 javë më parë, në kuadër të operacionit “Peshtani”, pasi dyshohet se ka bashkëpunuar me djalin e tij, shtetasin J.(E.) M., 37 vjeç (i arrestuar më datë 15.11.2024), për veprimtarinë kriminale të shitjes së lëndëve narkotike.
Materialet procedurale i kaluan Prokurorisë, për veprime të mëtejshme.
