Ndërhyrje e suksesshme e kompleksitetit të lartë në Spitalin Rajonal Memorial Fier
Një ndërhyrje e kompleksitetit të lartë është realizuar me sukses nga personeli i Shërbimit të Kirurgjisë Ortopedike në Spitalin Rajonal Memorial Fier, tek një pacient 71-vjeçar.
Lajmin e dha Kryeministri Edi Rama, i cili u shpreh se, falë bashkëpunimit të shërbimit ambulator dhe imazherisë së avancuar u realizua në kohë diagnostikimi i rastit dhe realizimi i ndërhyrjes së vështirë ortopedike e Protezës Totale në terren të luksacionit të lartë bilateral (displazi zhvëllimore), teksa pacienti gëzon shëndet të mirë.
Kreu i qeverisë i shprehu mirënjohje ekipit të mjekëve kirurgë ortopedë Dr. Arsel Dizdari, Dr. Savas Camur, Dr. Krisli Serani, si dhe personelit infermieror që asistuan gjatë ndërhyrjes ortopedike, Renato Zeneli, Fjorida Ago, Gonca Kocak dhe ndihmësi i sallës Jani Joti.
