Ndeshje vëllazërore midis veteranëve të Prizrenit dhe Apolonisë
Nga Arber Emiri/ Dje mbasdite në stadiumim “Përparim Thaci”të Prizrenit u zhvillua vëllazërorja e futbollit midis skuadrave te Veteranëve të Prizrenit dhe skuadrës së Veteranëve te Apollonisë së Fierit
Para takimit te dy perfaqësuesit e skuadrave shkëmbyen simbolet e skuadrave.Në emër të Shoqatës së Veteranëve te Prizrenit përfaqësuesi Gjeni Mashkulli uroj mirëseardhjen veteranëve te Appllonisë së Fierit.
Me pas Kryetari Shoqatës së Veteranëve të Apolonisë Pandeli Tole dhe përfaqesuesi i nderit të kësaj Shoqate në Amerikë z Agron Aliaj i dhuruan emblemat e klubit fierak përfaqësuesve të skuadrës së Prizrenit.
Në emër të Federatës se Futbollit të Kosovës të dyja skuadrat i përshëndeti z Lulëzim Berisha ndërsa nga Komuna e Prizrenit Drejtori i Sporteve z Adem Morina.
Kjo ndeshje u ndoq me kërshëri nga sportadëshit vendas të cilët duartrokitën lojën e bukur të të dyja skuadrave.
Pas takimit Shoqata e Veteranëve të Futbollit të Prizrenit organizoj nje darkë në një nga lokalet në qëndër të qytetit historik e cila kaloj gezueshëm.
