Nga “arratia”, Arben Ahmetaj kërkon kthimin e pronave të sekuestruara nga SPAK

Ish numëri 2 i qeverisë Arben Ahmetaj nga arratia kërkon kthimin e pronave për të cilën SPAK i ka sekuestruar në kuadër të hetimeve që po kryen për 3 vepra penale.

Reklama në FieriWeb - “VEGA GROUP”

Me vendim të Gjykatës së Posaçme, SPAK njofton se ka proceduar me zbatimin e masës së sigurimit pasuror. “Sekuestro preventive mbi 6 pasuri nga të cilat 4 apartamente  në pronësi të personit nën hetim Arben Ahmetaj si dhe 2 llogari bankare të po këtij shtetasi, në shumën 124 300 Euro.

Reklama në FieriWeb - “VODAFONE ALBANIA”

Ndaj Ahmetaj ka një urdhër arrest ndërkombëtarë me masë shtrenguese Arrest ne burg për veprat penale, shpërdorim detyre,pastrim parash dhe fshehje pasurie.

Reklama në FieriWeb - “ALNORA”

Kujtojmë se Ahmetaj akuzohet për disa vepra penale lidhur me aferën e inceneratorëve, ku dyshohet se përmes vendimeve të tij ka favorizuar biznesmenët Mirel Mërtiri dhe Klodian Zoto, të cilët janë të shpallur në kërkim.

Reklama në FieriWeb - “OAZI I PISHAVE”

SPAK kërkoi madje edhe miratimin e Kuvendit për të lehtësuar procedurën e nevojshme për arrestimin e ish-ministrit Arben Ahmetaj, ndaj të cilit rëndojnë tre akuza:

1. “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste;
2. “Mosdeklarim, deklarim të rremë dhe fshehje të pasurisë”, vetëm dhe në bashkëpunim;
3. “Pastrim të produkteve të veprës penale ose veprimtarisë kriminale”.

Reklama në FieriWeb - “MEGATEK”