KOSOVA
Ngjarja tragjike në Deçan, zbulohet identiteti i shoferit të autobusit dhe dy nxënësve që humbën jetën nga të shtënat me armë
Ngjarja e rëndë tronditi mbrëmjen e sotme Kosovën, ku persona të paidentifikuar qëlluan me breshëri arme drejt një autobusi me nxënës, në fshatin Gllogjan të Deçanit, ku humbën jetën katër persona, shoferi, fatorino dhe dy nxënës.
Mediet kosovare raportojnë se viktimat janë: Gani Gjokaj – shoferi, Ledion Hamzaj dhe Gentiana Mustafaj, nxënës, përkatësisht 19 vjeç dhe 17 vjeç.
Ndërkohë, dy nxënës të tjerë janë duke u trajtuar në spital të cilët ndodhen në gjendje kritike. Në pamjet e siguruara shihet ambulanca dhe një qytetar që mban në krahë një nxënës të plagosur duke e dërguar në spital.