KRONIKËSTAR CHANNEL
Një aksident me pasojë fatale është regjistruar mbrëmjen e sotme në Ksamil.
Sipas informacionit paraprak të Policisë, rreth orës 18:10, në rrugën e Plazhit, në zonën e Lagunës, një automjet tip “Benz”, i drejtuar nga shtetasi A. Gj., rreth 22 vjeç, ka humbur kontrollin dhe ka dalë nga rruga.
Si pasojë e aksidentit, ka humbur jetën në vendngjarje pasagjeri i automjetit, shtetasi A. M., rreth 20 vjeç.
Reklama në FieriWeb - “PIZZA ITALIA FIER”
Drejtuesi i mjetit është transportuar në spital për të marrë ndihmë mjekësore dhe, sipas të dhënave paraprake, ndodhet jashtë rrezikut për jetën.
Në vendngjarje ndodhet grupi hetimor, i cili po kryen veprimet procedurale për dokumentimin e plotë të rrethanave të aksidentit dhe përcaktimin e shkakut të tij.
Policia pritet të japë informacion shtesë pas përfundimit të hetimeve paraprake.
