Oficerët shkuan për ta arrestuar, oficeri i policisë vret veten duke u hedhur nga dritarja e banjos
Një zyrtar i policisë së Palermos, Marcello Miraglia , kreu vetëvrasje duke u hedhur nga kati i gjashtë i një pallati në Bagheria gjatë arrestimit të tij.
Oficerët e policisë financiare kishin shkuar në shtëpinë e tij për ta njoftuar për një urdhër paraburgimi me akuzën e korrupsionit.
Por gjatë operacionit, 61-vjeçari kërkoi të lejohej të shkonte në tualet: në një moment hapi dritaren dhe u hodh prej aty.
Një oficer tentoi ta ndalonte duke mbetur i plagosur rëndë në dorë. Më pas oficeri u transportua në urgjencë.
Miraglia ishte përfshirë në një akt korrupsioni në të cilin po hetohen nëntë persona të tjerë: sipërmarrës të cilët, në këmbim të parave ose dhuratave, do të kishin marrë rinovime të lejeve mjedisore ose të ishin njoftuar më herët për kontrollet e autoriteteve.