Operacioni “Strike 23” në Vlorë: Arrestohet 44-vjeçari me armë zjarri automatik
Operacioni policor “Strike 23” në Vlorë përfundoi me sukses, duke kapur në flagrancë një 44-vjeçar me armë zjarri automatik në lagjen “Bashkimi”. Shtetasi H.H. u arrestua nga Forca e Posaçme “Shqiponja” dhe Policia e Vlorës, si pjesë e planit operacional “Sundimi i ligjit”. Arma u sekuestrua, ndërsa materialet procedurale u dorëzuan në Prokurori për hetime të mëtejshme. Ky operacion reflekton angazhimin e vazhdueshëm të Policisë për garantimin e sundimit të ligjit dhe sigurisë në territor.
Njoftim i Policisë Vlorë:
Vijon puna bazuar në inteligjencën policore dhe kontrolleve intensive të shërbimeve, për të garantuar sundimin e ligjit në territor.
Finalizohet operacioni policor i koduar “Strike 23”, për goditjen e një rasti të armëmbajtjes pa leje.
U kap në flagrancë me armë zjarri automatik, vihet në pranga 44-vjeçari, në Vlorë.
Sekuestrohet arma e zjarrit automatik.
Shërbimet e Forcës së Posaçme “Shqiponja”, në bashkëpunim me Komisariatin e Policisë Vlorë, në kuadër të planit operacional mbarëkombëtar “Sundimi i ligjit”, kanë organizuar dhe finalizuar operacionin policor të koduar “Strike 23”.
Si rezultat i operacionit, u vu në pranga shtetasi H. H., 44 vjeç, banues në lagjen “Partizani”, Vlorë, pasi u kap në flagrancë me armë zjarri me vete në makinë, në lagjen “Bashkimi”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
