Panik në fushë, anulohet ndeshja pasi trajneri i Turqisë pëson incident të rëndë
Momente tronditëse janë regjistruar në sfidën mes Kroacia U21 dhe Turqia U21, teksa ndeshja u ndërpre në minutën e 35-të.
Sfida kualifikuese u anulua pasi trajneri i përfaqësueses turke, Korkmaz, u rrëzua në fushë, duke shkaktuar panik te lojtarët dhe stafet.
Menjëherë pas incidentit, për trajnerin u kërkua ndihmë mjekësore urgjente dhe ai u transportua drejt spitalit. Ngjarja ndodhi pak momente pas kartonit të kuq të marrë nga lojtari Tiknaz.
Sipas raportimeve të mediave turke, përfshirë “Tivibu Spor”, trajneri ka rrëshqitur dhe më pas ka goditur kokën në tokë, duke pësuar ënjtje. Fatmirësisht, ai ka qenë i vetëdijshëm gjatë transportimit për në spital.
Autoritetet sportive pritet të japin më shumë detaje mbi gjendjen e tij shëndetësore dhe fatin e mëtejshëm të ndeshjes.
