AKTUALITET
Pas dy orësh në ajër avioni nuk ulet dot në Rinas, udhëtarët kthehen mbrapsht në Brindisi
Moti i keq ka bërë që udhëtarët të cilët po udhëtonin me avionin e linjës Pescara-Tiranë të kthehen sërish mbrapsht. Burime për mediat bëjnë me dije se si pasojë e motit të keq avioni nuk ka mundur të ulet dot në Rinas.
Pas gati dy orësh në ajër, avioni është kthyer në Itali dhe është ulur në Brindisi. Ndërkohë, ende nuk dihet se sa do të vazhdojë kjo situatë, për shkak se qytetarët nuk kanë marrë një përgjigje se kur do të niset avioni sërish për në Tiranë.
