Për të 8 vit radhazi Fieri ka pritur ditën e Shën Valentinit me një mënyrë origjinale të veten: me një garë kërcimi mes të rinjve fierakë e titulluar “Kercimi i Dashurisë”.
Rreth 30 çifte konkuruan këtë 14 shkurt në zhanret: Tango, vals dhe stil i lirë për çmimin e madh “Kërcimi i Dashurisë” Spektakli u zhvillua në teatrin “Bylis” të tejmbushur me të rinj.
Ndryshe nga një vit më parë, mjaft kërcime në garë erdhën prej të rinjve përmes baladave koreografike me një nivel të admirueshëm artistik, cilësuar nga juria e spektaklit e përbërë nga emra të njohur si Artan Ibershimi, Milto Kutalli, Roberta Ndokaj Ata nuk janë kercimtarë, madje nuk ndjekin as kurse kercime, por gjimnaziste që për një muaj përgatiten intensivisht nga koreografë të qytetit të Fierit.
Këtë vit, gara u shtri në nivel qarku, duke dalë përtej bashkisë së Fierit. “Kërcimi i dashurisë” është një nga spektaklet që i dedikohet tërësisht ditës së të dashuruarve, 14 shkurtit.
