Përfshihet nga flakët një banesë në Patos, vetëm dëme materiale
Mesditën e sotme, një banesë në Patos është përfshirë nga flakët, si pasojë e shpërthimit të një bombole gazi.
Banesa i përket shtetasit me inicialet Z. Ç. Policia dhe zjarrfikësja ka mbërritur menjëherë në vendngjarje dhe ka bërë të mundur shuarjen e flakëve.
Nga zjarri janë shkaktuar vetëm dëme materiale.
Njoftimi i Policisë:
Fier/Informacion paraprak
Rreth orës 14:05, në banesën e shtetasit Z. Ç., në katin e katërt të një pallati, në Patos, dyshohet se si pasojë e shpërthimit të një bombole gazi, banesa është përfshirë nga flakët.
Nga zjarri janë shkaktuar vetëm dëme materiale.
Nga ndërhyrja e menjëhershme e shërbimeve të Policisë dhe atyre të zjarrfikëses është bërë e mundur shuarja e flakëve.
Grupi hetimor vijon punën për sqarimin e rrethanave të rastit.
