KRONIKËSTAR CHANNEL
Përfshihet nga flakët një lokal në plazhin e Darëzezës, shkrumbohet brenda pak minutash
Një lokal në plazhin e Darëzezës është përfshirë nga flakët këtë të diel, duke u shkrumbuar plotësisht brenda pak minutash. Pamjet e siguruara nga FieriWeb tregojnë shtellunga të mëdha tymi dhe disa banorë që përpiqen të shuajnë flakët me mjete rrethanore.
Pas disa minutash, në vendngjarje mbërritën forcat zjarrfikëse, të cilat nisën menjëherë operacionin për të vënë situatën nën kontroll. Fatmirësisht, nuk raportohet për persona të lënduar, por dëmet materiale janë të mëdha.
Autoritetet po hetojnë për të zbuluar shkaqet e zjarrit.
