Përfundon dorëzimi i kutive të votimit në Fier, numërimi nis në mesnatë
Procesi i dorëzimit të kutive të votimit në KZAZ nr. 60 në Fier ka përfunduar me sukses, pasi janë administruar të gjitha kutitë nga 97 qendrat e votimit në këtë zonë. Gjatë dorëzimit nuk janë raportuar problematika apo parregullsi.
Njëkohësisht, dorëzimi i kutive ka përfunduar edhe në KZAZ nr. 58 dhe 59. Po ashtu, procesi është mbyllur rreth një orë më parë edhe në bashkitë Roskovec, Mallakastër dhe Patos, ku përfshihet edhe administrimi i votave të të burgosurve në Institucionin e Vuajtjes së Dënimit në Fier.
I gjithë procesi është zhvilluar nën mbikëqyrjen e forcave të rendit dhe në praninë e vëzhguesve të OSBE-ODIHR, duke garantuar transparencë dhe siguri.
Sipas burimeve pranë KZAZ-ve përkatëse, procesi i numërimit të votave pritet të nisë në orët e mesnatës.
