Po iu ikte karabinierëve me shpejtësi pasi në mjet kishte 25 kg kokainë! Shqiptari përplaset me shtyllën, ndërron jetë në vend
Një shtetas shqiptar 38-vjeçar ka humbur jetën mbrëmjen e djeshme në Nettuno, pranë Romës, gjatë një ndjekjeje nga policia italiane. Ngjarja ndodhi rreth orës 21:00 në zonën Tre Cancelli, ku një patrullë policie vuri re dy automjete që po lëviznin me shpejtësi të lartë dhe vendosi t’i ndalonte.
Njëra nga makinat, me drejtues një shtetas italian 26-vjeçar, u ndal pak minuta më vonë. Ndërsa mjeti tjetër, i drejtuar nga shqiptari, devijoi në një rrugë me dhe, ku humbi kontrollin dhe u përplas me një shtyllë telefoni, duke u përmbysur. Si pasojë e përplasjes së fortë, drejtuesi shqiptar i automjetit ndërroi jetë në vend.
Gjatë kontrollit në vendngjarje, policia italiane gjeti pranë makinës një qese që dyshohet se përmbante rreth 25 kilogramë kokainë.
Autoritetet italiane kanë nisur hetimet për zbardhjen e plotë të ngjarjes dhe identifikimin e personave të tjerë të përfshirë në aktivitetin e dyshuar kriminal.
