Policët tremben dhe largohen me vrap pas sulmit me molotov në Theth – videoja përgënjeshtron deklaratën zyrtare
Një video e publikuar së fundmi tregon momentin kur një banore në Theth sulmon me një koktej molotov fadromën e IKMT-së, e cila shoqërohej nga disa efektivë policie. Në pamjet filmike dallohet qartë se sapo ndodh shpërthimi, policët nxjerrin armët dhe më pas largohen me vrap, të kapur nga paniku.
Ngjarja hedh poshtë deklaratën zyrtare të Policisë së Shkodrës të bërë një ditë më parë, ku mohohej kategorikisht se fadroma ishte sulmuar. Sipas deklaratës, “nuk ka pasur asnjë akt dhune ndaj mjeteve të IKMT-së dhe është djegur vetëm një urë. Por videoja e publikuar sot e kundërshton këtë pretendim, duke ngritur pikëpyetje mbi transparencën dhe saktësinë e informacionit zyrtar.
Ngjarja ka ndodhur gjatë aksionit për prishjen e ndërtimeve pa leje në Theth, që ka hasur në rezistencë të fortë nga banorët vendas. Protestat po përshkallëzohen dhe situata mbetet e tensionuar.
