‘’Polici serb më tha që Leo s’është në burg as në komisariate, mund të ketë vdekur’’. Vëllai i 34-vjeçarit: Një çoban ka gjetur pashaportën, telefonin dhe ca lekë

Në emisionin “Me zemër të hapur” në News24, kanë folur familjarët e 34-vjeçarit nga Dibra, Leo Roci.

Nga Serbia në një lidhje direkte ka folur vëllai i Leo Rocit, Bledi.

Ai është shprehur se ndodhet në Serbi së bashku me nënën e tij për të marrë informacione se çfarë ndodhi me vëllain e tij. Ndonse ende nuk kanë dinë se çfar ka ndodhur me 34-vjeçarin.

Bledi Roci thekson se duhet patjetër që ambasada shqiptare në Beograd ta ndihmojë, duhet të gjej taksistin me të cilin udhëtoi vëllai im por edhe çobanin që i gjeti sendet personale, u shpreh vëllai i Leo Rocit.

Gjithashtu tregon kalvarin e vështirësive që së bashku me nënën e tij po kalojnë në Serbi.

Madje ai tregon se një efektiv serb i ka thënë që Leo nuk është as i arrestuar dhe as në burg, duke iu shprehur se mund edhe të ketë humbur jetën.

Vëllai i Leo Rocit, Bledi:

Jam i interesuar të di ça bëhet me vëllain.

Një polic na ka thënë që ky person mund edhe të ketë vdekur, nuk e di ku bazohet polici që ma tha këtë, ai më tha këtu djali nuk u kap.

Akoma nuk ka një përgjigje se ne nuk na pranuan të bënim denoncimin që ne komunikimin me vëllain e humbëm në shtetin Serb.

Unë e mami im kemi shkuar të bëjmë denoncim, mamit i kanë marrë pashaportë për 2-3 minuta e na thënë ikni se jua morëm denoncimin.

Unë nuk e njoh atë që udhëtoi me vëllain tim, nuk jam i sigurtë nëse ka kaluar apo jo por deri në pikën kufitare të serbisë me kroacinë ai ka qenë mirë unë kam folur me të.

Unë kam folur edhe me Ambasadën Shqiptare në Beograd ata më thanë ne kemi bërë kërkesa presim të marrim përgjigje.

Unë kam shkuar tek komisariati ku u dorëzuan sendet e vëllait.

Mendja nga nuk më shkon, por nuk kam informacione të sakta. Polici që kam takuar në komisariat më tha ai i arrestuar nuk është as në burg nuk është.

Sendet personale nuk mi kanë treguar se ku i kanë gjetur, janë gjetur 60 mijë lekë të vjetra, telefoni dhe pashaporta janë gjetur dhe janë dorëzuar në komisariat.

Unë nuk i mora sendet e tij sepse dua që shteti shqiptar e ambasada ti marrin dhe të hetojnë.

Nga Prishtina në Serbi ai është future nëpër dogana se nuk ka pasur probleme as me Serbinë e as me Kosovën, sa për atë taksixhiun unë dua ta kërkojë ta di kush ishte.