Policia e Fierit arreston 27-vjeçarin Kelment Beqaj, i shpallur në kërkim për tentativë vrasjeje, të ngjarjes së 5 janarit 2025 në Fier, ndërsa tentonte të hynte nga Greqia në Shqipëri.
Policia ka vënë në pranga shtetasin Kelment Beqaj, 27 vjeç, banues në Fier, i shpallur në kërkim për veprat penale “Vrasje me dashje”, e mbetur në tentativë, dhe “Armëmbajtje pa leje”.
Më 5 janar 2025, për motive të dobëta, Beqaj ka qëlluar me armë zjarri shtetasin G. H., 42 vjeç, i cili mbeti i plagosur, por arriti të mbijetojë. Pas ngjarjes, autori u largua nga vendi dhe ishte i paidentifikuar për disa muaj.
Kapja e tij u bë në pikën kufitare të Kakavijës, teksa tentonte të hynte nga Greqia në Shqipëri. Arrestimi u krye nga shërbimet e Policisë Kufitare në bashkëpunim me specialistët e DVP Fier.
Materialet procedurale i janë referuar Prokurorisë së Fierit për veprime të mëtejshme ligjore. Gjykata e Fierit kishte caktuar masën e sigurisë “Arrest me burg” ndaj Beqajt.
Policia apelon tek qytetarët që të informojnë menjëherë autoritetet për çdo informacion lidhur me armëmbajtje të paligjshme ose ngjarje të ngjashme.
