Policia e Fierit dhe Lushnjës godet veprimtaritë e paligjshme: Arrestime dhe procedime penale për drogë, dhunë dhe dëmtime prone
Fier/Lushnjë – Strukturat e Policisë kanë finalizuar një sërë veprimesh hetimore, duke vënë në pranga disa persona dhe duke referuar materialet në Prokurori për raste të ndryshme të paligjshmërisë.
Arrestime për drogë
Specialistët e Seksionit për Hetimin e Narkotikëve arrestuan në flagrancë shtetasin I. T., 31 vjeç, banues në Fier, pasi gjatë kontrollit fizik iu gjetën sasi të vogla të lëndëve narkotike kokainë dhe kanabis.
Në një tjetër operacion, në bashkëpunim me Komisariatin e Policisë Lushnjë, u arrestua shtetasi B. N., 49 vjeç, banues në Lushnjë, pasi në automjetin që drejtonte u gjetën disa doza kokaine.
Procedime penale për dhunë dhe dëmtime prone
Policia e Fierit ka nisur procedim penal ndaj shtetasve:
• V. S., 30 vjeç, banues në fshatin Peshtan, i dyshuar për ushtrim dhune ndaj motrës së tij;
• G. M., 25 vjeç, banues në Fier, pasi dyshohet se ka goditur me grushte një 37-vjeçar për motive të dobëta.
Ndërkohë, në Lushnjë, është referuar për ndjekje penale shtetasi Th. K., 70 vjeç, pasi nga zjarri që kishte ndezur për të djegur mbeturina në tokën e tij në fshatin Lumth, janë dëmtuar disa pemë frutore të një 69-vjeçari.
Gjithashtu, shtetasja L. T., 27 vjeçe, banuese në fshatin Savër, po procedohet penalisht, pasi dyshohet se ka vjedhur dy pajisje elektroshtëpiake në banesën e një 32-vjeçari.
Materialet procedurale i kaluan Prokurorisë së Fierit për veprime të mëtejshme.
