Policia e Fierit ndalon një person në kërkim, arrestion dista të tjerë për vepra penale dhe procedime për lëndë narkotike
Drejtoria Vendore e Policisë Fier ka intensifikuar veprimtaritë e saj për parandalimin dhe goditjen e paligjshmërisë në qark.
1. Kapja e një shtetasi të shpallur në kërkim
Shërbimet e Komisariatit të Policisë Fier ndaluan shtetasin A. L., 57 vjeç, banues në Fier. Ai ishte shpallur në kërkim dhe i dënuar me 2 muaj burg nga Gjykata e Fierit për veprën penale “Vjedhje”.
2. Arrestime për drejtim mjeti në gjendje të dehur
Specialistët e Policisë Rrugore arrestuan:
• M. M., 41 vjeç, banues në Levan, i kapur duke drejtuar një motomjet në gjendje të dehur;
• E. M., 39 vjeç, banues në Fier, i cili, në gjendje të dehur, përplasi një automjet duke shkaktuar dëme materiale dhe më pas u largua nga vendi i aksidentit.
3. Sekuestrimi i lëndëve narkotike
Specialistët për Hetimin e Narkotikëve proceduan penalisht shtetasin I. T., 27 vjeç, banues në fshatin Gradishtë, pas gjetjes dhe sekuestrimit të një sasie të vogël lënde të dyshuar narkotike cannabis sativa gjatë kontrollit të automjetit të tij.
4. Shpallje në kërkim për vjedhje
Në Lushnjë, specialistët për Hetimin e Krimeve shpallën në kërkim shtetasin S. Z., 29 vjeç, banues në fshatin Krutje, i dyshuar për vjedhjen e një televizori në një banesë.
Të gjitha materialet procedurale janë referuar në Prokurori për veprime të mëtejshme ligjore.
