AKTUALITETKRONIKË
Policia Fier arreston dy vajza për shkelje të masës “Arrest në shtëpi” për krime në fushën e narkotikëve dhe prostitucionit
Komisariati i Policisë Fier ka ndaluar dy vajza të shpallura në kërkim për shkelje të masës së sigurisë “Arrest në shtëpi”. Shtetasja A. T., 28 vjeçe, nga fshati Luar, u arrestua pasi ka dalë jashtë banesës, duke shkelur masën e sigurisë të caktuar për krime në fushën e narkotikëve.
Po ashtu, shtetasja A. D., 19 vjeçe, nga Fier, u arrestua pasi ka shkelur masën e sigurisë të caktuar për krime në fushën e prostitucionit.
Materialet procedurale janë dorëzuar Prokurorisë për veprime të mëtejshme.
