Portal për të denigruar drejtuesit e Policisë, vetëdorëzohet ish-punonjësi i AMP Kushtrim Selimi
Ish-punonjësi i AMP Kushtrim Selimi vetëdorëzohet në polici, ndërsa ishte prej javësh në kërkim.
Kushtrim Selimi bashkë me Regina Omeri u përjashtuan në 31 mars nga Agjencia e Mbikëqyrjes Policore.
Dy punonjësit e Agjencisë së Mbikëqyrjes së bashku me gazetarin Ervis Hasanaga kishin hapur një portal ku shpërndanin lajme të rreme dhe denigronin figurat e Policisë së Shtetit.
Gazetari Ervis Hasanaga është shprehur i penduar në polici pas arrestimit. Ai ka pranuar se ishte i vetëdijshëm për punën që po bënte, por i duheshin paratë.
“Jam bërë pishman për këtë punë. E kuptova që ishte e rrezikshme, por më duheshin paratë. Duhet të kisha dyshuar në materialet që më jepnin ata, para se t’i publikoja, duhet të kisha bërë një verifikim. Kisha kohe që s’më zinte gjumi nga kjo. Jam penduar”.
