Presion për 4 mln lekë më shumë! Micro Credit Albania “kërcënonte” për pagesa më të larta se detyrimi
Problematika e një qytetari i cili duhet t’i shlyente Micro Credit shumen 1.4 milion lekë të mbetura nga detyrimi, ndërkohë nga telefoni njoftohet se duhet të paguaj edhe 4 milion lekë më shumë.
“Kam shkuar disa herë për të gjetur zgjidhje, por më kanë thënë se nuk kam gjë në dorë dhe se duhet të paguaj 5.3 milionë lekë.”
Gazetari iu drejtua zyrës së Micro Credit Albania për të pyetur se si mund të rriten shifrat nga telefoni dhe të mos i jepet qytetarit asnjë dokument nga institucioni financiar.
Punonjëset e Micro Credit nuk pranojnë të japin asnjë dokument shkresor, por pas insistimit të gazetares u hap drita jeshile për një marrëveshje.
Vetëm pas 2 ditësh qytetari njoftohet se duhet të paguaj vlerën reale te debisë 1.4 milion dhe jo 5.3 milion.
“Ramë në një ujdi që ta paguaj shumën e mbetur në 3 këste. Aq i kam borxh, 1.4 milionë lekë.”
Se fundmi Krimi Ekonomik ka vënë në pranga administratorin e MCA, Arbën Meskutin.
Ndërkohë që Prokuroria e Tiranës ka lëshuar urdhër arresti për 9 persona të tjerë pjese e MCA.
