PS Qarku Fier, surprizë rezultati, surprizë drejtuesja Belinda Balluku
PS Qarku Fier marshon drejt një fitoreje historike
Trendi i numërimit të kutive të votimit në Qarkun e Fierit po dëshmon një realitet politik të pakundërshtueshëm: Partia Socialiste është në prag të një fitoreje historike, duke projektuar 12 mandate, përkundrejt vetëm 4 që i takojnë kampit opozitar. Ky rezultat nuk është as i rastësishëm, as thjesht produkt i një fushate të zakonshme. Ai është rrjedhojë e një kombinimi faktorësh politikë, institucionalë dhe mediatikë, të cilët bashkë kanë përshpejtuar rënien e ndikimit të opozitës dhe konsolidimin e PS si forca politike dominante në qark.
Së pari, PS në Fier ka demonstruar një organizim të jashtëzakonshëm elektoral, të udhëhequr nga struktura të përgatitura dhe të disiplinuara, të cilat jo vetëm mobilizuan votuesit tradicionalë, por arritën të tërheqin dhe segmente gri të shoqërisë, të zhgënjyera nga retorika boshe e kampit kundërshtar. Kandidatët e përzgjedhur kanë pasur jo vetëm profilin e duhur publik, por edhe një qasje të drejtpërdrejtë me komunitetin, duke reflektuar një përfaqësim të denjë dhe larg elitizmit të shkëputur nga baza.
Së dyti, opozita shqiptare ka vijuar të jetë e fragmentuar, e paqartë në mesazhin e saj dhe e paaftë të ofrojë një alternativë të besueshme për elektoratin fierak. Konfliktet e brendshme, mungesa e një narrative të qëndrueshme dhe mosbesimi i krijuar ndër vite kanë qenë një pengesë që as fushata më intensive nuk mund ta kapërcejë. Kjo ka sjellë jo vetëm rënie të votave, por edhe indiferencë elektorale në radhët e mbështetësve të dikurshëm.
Një faktor vendimtar ka qenë padyshim roli i medias, e cila këtë herë, ndryshe nga ciklet e shkuara, ka qenë më e kujdesshme dhe më e vëmendshme në raportimin e realitetit. Media lokale në veçanti, përfshirë portalin profesional Newsalbania.al, ka ndihmuar në krijimin e një atmosfere të shëndetshme analize dhe transparence, duke mos rënë pre e populizmit të shfrenuar opozitar. Përmes analizave të shumta, stafit të përgatitur dhe profesionalizmit redaksional, Newsalbania.al e ka paralajmëruar me kohë humbjen e thellë të opozitës, duke sjellë argumente të qarta dhe bindëse mbi tendencat e votuesve dhe boshllëqet e opozitës në këtë betejë elektorale.
Në këtë kuptim, rrugëtimi i Partisë Socialiste drejt mandatit të katërt në Qarkun e Fierit nuk është thjesht një fitore numerike. Është një triumf strategjik, një reflektim i besimit të qytetarëve ndaj një force që ka treguar stabilitet, vizion dhe aftësi për të dialoguar me njerëzit. Më shumë se kurrë, kjo fitore është edhe një mesazh për të ardhmen: qytetarët e Fierit nuk votojnë më thjesht për ngjyrën e flamurit, por për seriozitetin e ofertës dhe koherencën politike. PD-ja dhe opozita të cilat kerkuan rotacionin politik nuk munden për cka thamë më siper e shume faktore te tjere, ndersa Edi Rama me PS realizoi nje rotacion te shendetshem brenda vetes duke mos harruar te “vjeterit” dhe promovuar të rinjtë. Gjithashtu Drejtuesja politike ne Qark Belinda Balluku ishte surpriza e madhe e zgjedhjeve ne këtë Qark krahasuar me të gjithë të tjeret nder vite. Ajo ja doli, sepse diti të organizojë strukturat dhe orjentojë votat e zgjedhësve! Sipas trendit të numerimit dhe rezultateve dêshiroj të them permbylltazi se fitorja PS-së i erdhi nga Fieri! Fitorja mban “vulën” gjithashtu dhe të drejtueses politike Belinda Ballukut!
Editorial nga Vladimir Muçaj / Newsalbania.al
