Putini dërgon familjen e tij në një bunker luksoz në Siberi, i krijuar për t’i mbijetuar luftës bërthamore
Teksa Rusia po bombardon Ukrainën në ditën e 6-të të luftës, presidenti rus Vladimir Putin ka fshehur anëtarët e familjes së tij në një “qytet nëntokësor” në Siberi.
Sipas një profesori rus, Valery Solovey, bunkeri luksoz i teknologjisë së lartë ndodhet në malet Altai dhe është projektuar për mbrojtje në rast lufte bërthamore.
Më herët, profesori ka deklaruar se Putin kishte probleme shëndetësore dhe ka marrë pjesë në rituale të çuditshme sekrete së bashku me ministrin e tij të mbrojtjes Sergey Shoigu.
“Në fundjavë, familja e Presidentit Putin u evakuua në një bunker special të përgatitur në rast lufte bërthamore”, tha profesori në një video. Ky bunker ndodhet në Republikën malore të Altait. Në fakt, nuk është një bunker, por një qytet i tërë nëntokësor, i pajisur me shkencën dhe teknologjinë më të fundit”, tha ai.
Solovey, i cili pretendon se ka kontakte të brendshme në Kremlin, besohet se i referohet një shtëpie të madhe të ndërtuar nga gjiganti i energjisë Gazprom rreth një dekadë më parë në rrethin Ongudaysky të Republikës Altai, një rajon i Siberisë në kufi me Mongolinë, Kinën dhe Kazakistani.
Ai nuk bëri me dije se kush prej anëtarëve të familjes së Putinit janë dërguar në bunker, por më herët ka thënë se bashkëshortja secrete e liderit rus gjimnastja, Alina Kabaeva.
Putin ka dy vajza të rritura Maria Vorontsova, 36 vjeç dhe Katerina Tikhonova, 35 vjeçe . Ai raportohet gjithashtu se ka një vajzë të quajtur Luiza Rozova 18vjeçe, e njohur gjithashtu si Elizaveta Krivonogikh, nga një marrëdhënie e mëparshme me pastruesen e kthyer në multimilionere Svetlana Krivonogikh.