AKTUALITETSTAR CHANNEL
Qytetarët protestojnë para Kadastrës Fier për zvarritjet në pajisjen me certifikata pronësie
Fier – Dhjetëra qytetarë janë mbledhur sot pranë zyrave të Kadastrës Fier, duke shprehur revoltën e tyre për procedurat e zvarritura prej vitesh për pajisjen me certifikata pronësie.
Sipas protestuesve, pavarësisht aplikimeve dhe pagesave të taksave përkatëse, ata sorollaten nga një institucion në tjetrin pa asnjë rezultat konkret. Një prej tyre deklaroi: “U bënë 30 vjet që pres! Të ardhurit janë pajisur me certifikatë pronësie, ndërsa unë ende jo.”
Reklama në FieriWeb - “PIZZA ITALIA FIER”
Qytetarët, të cilët presin para dyerve të institucionit për vite të tëra, i kanë bërë apel kryeministrit Edi Rama që të ndërhyjë për të zgjidhur sa më shpejt këtë situatë, të cilën ata e cilësojnë të papranueshme.
