Rama: Shqipëria në BE, brenda dekadës. Kryeministri, pritje për deputetët: Urime dhe falenderime për fitoren e arritur bashkë
Kryeministri Edi Rama priti deputetët fitues të Partisë Socialiste në zgjedhjet parlamentare të 11 majit.
Gjatë fjalës së tij, Rama u shpreh se PS, i duhen fitoret për të përmbushur misionin historik, anëtarësimin e Shqipërisë në BE, brenda dekadës.
Rama shtoi se mazhoranca duhet sërish të vetëkorrigjohet.
“Fitoret na duhen për të pëmbushur misionin historik që kemi, për të ndryshuar përgjithnjë Shqipërinë, për të garantuar drejtësinë, forcuar sigurinë, rritur reputacionin ndërkombëtar, duke bërë histori me anëtarësimin e vendit tonë në BE, gjatë kësaj dekade. Na duhet një punë e madhe me veten, përsëri me veten, akoma më shumë këtë herë. Duhet ta nisim nga vetja, disa gjëra duhen parë ndryshe, duhen kuptuar ndryshe dhe duhen bërë ndryshe”, theksoi ai.
