AKTUALITETFIERI NEWSSTAR CHANNEL
Rasti i tretë brenda pak ditësh, gjarpri hyn në një njësi shërbimi në Fier
Një ngjarje e pazakontë është regjistruar në qytetin e Fierit, në lagjen “Liri”, pranë kryqëzimit të Sharrës, ku një gjarpër ka hyrë në një njësi shërbimi, duke shkaktuar alarm te punonjësja dhe qytetarët e pranishëm.
Sapo ka vënë re zvarranikun, punonjësja ka dalë menjëherë jashtë për arsye sigurie, ndërsa në vendngjarje janë mbledhur banorë dhe kalimtarë të shumtë të habitur nga situata.
Reklama në FieriWeb - “PIZZA ITALIA FIER”
Pas njoftimit, në vendngjarje kanë mbërritur forcat zjarrfikëse, të cilat kanë bërë të mundur kapjen dhe largimin e gjarprit pa shkaktuar dëme apo lëndime.
Ky është rasti i tretë i raportuar brenda pak ditësh në Fier, duke rikthyer shqetësimin për praninë e zvarranikëve pranë zonave të banuara dhe aktiviteteve tregtare.
