Reshjet e dendura të shiut, punonjësit e Bashkisë Fier në terren për të pastruar zgarat e kullimit të ujërave
Pas reshjeve të dendura që kanë përfshirë Fierin, ekipet e punonjësve të Bashkisë janë angazhuar në terren për të parandaluar përmbytjet. Me masa të menjëhershme, ata po punojnë për pastrimin e zgarave të ujërave të shiut, duke siguruar që sistemi i kanalizimeve të funksionojë normalisht dhe të shmangen situatat e papritura.
Ndërhyrjet po zhvillohen në kohë reale për të garantuar që qyteti të mos përballet me probleme të shkaktuara nga bllokimi i kanaleve. Reshjet e shiut kanë qenë intensive, por angazhimi i ekipeve ka ndihmuar në lehtësimin e situatës dhe mbrojtjen e zonave të ndjeshme ndaj përmbytjeve.
Bashkia Fier ka bërë thirrje për bashkëpunim nga qytetarët, duke i ftuar ata të njoftojnë për çdo emergjencë dhe të tregojnë kujdes në ruajtjen e pastërtisë së kanaleve kulluese.
