FIERI YNË TVKRONIKË
Riaktivizimi i vatrës së zjarrit në Pishporo, shefi i Repartit Zjarrëfikës Fier bën thirrje për ndërhyrje nga ajri. (VIDEO)
Forcat zjarrfikëse vijojnë të luftojnë me flakët në pyllin me pisha të Pishporos në Fier. Zjarri i riaktivizuar mesditën e djeshme është neutralizuar në orët e para të mëngjesit në një perimetër të konsiderueshëm, por të favorizuara edhe nga era vatrat e zjarrit janë aktivizuar sërish.
Sipas informacioneve nga terreni, në operacionin për shuarjen e flakëve janë të angazhuara 5 mjete zjarrfikëse , 4 të Fierit dhe 1 e Rroskovecit si dhe 40 forca të armatosura të Poshnjes.
Sipas shefit të shërbimit zjarrfikës të bashkisë Fier, Zija Hyka, situata është e vështirë për të vënë nën kontroll të plotë vatrat e shumta të zjarrit të cilat janë përhapur në një zonë të gjërë, teksa ka theksuar se vetëm ndërhyrja nga ajri mund të neutralizonte flakët.
