KRONIKËSTAR CHANNEL
Roskovec – I vuri zjarrin banesës për borxhin e të birit, arrestohet 27-vjeçari nga Fieri
Policia e Roskovecit ka arrestuar Edusjon Zyka 27-vjeçar, banues në Fier, pasi dyshohet se ka sperkatur me lëndë djegëse për ti vënë zjarrin banesës së një shtetaseje, me pretendimin se djali i saj i kishte borxh para.
Reklama në FieriWeb - “BREGU CLIMA”
Ngjarja ndodhi në lagjen nr. 1 të qytetit, ndërsa në momentin e zjarrvënies, shtetasja M. L. nuk ndodhej në banesë. Menjëherë pas kallëzimit të saj, shërbimet e Policisë organizuan veprimet hetimore dhe si rezultat, u bë identifikimi, kapja dhe arrestimi i autorit të dyshuar, shtetasi Edusjon Zyka, 27 vjeç, banues në Fier.
Fatmirësisht, si pasojë e zjarrit ka pasur vetëm dëme të pjesshme materiale.
Materialet procedurale iu referuan Prokurorisë pranë Gjykatës së Shkallës së Parë Fier për veprime të mëtejshme.
