Rrugët e Fierit mbushen me makina e flamuj, tifozët brohorasin për fitoren e Kombëtares (VIDEO)
Fierakët kanë dalë në rrugët e Qytetit me makina dhe me flamuj duke brohoritur në rrugë për fitoren e Shqipërisë në përballjen me Çekinë.
Në pamjet e siguruara nga FieriWeb, duket se si janë mbushur rrugët e Fierit me tifozët që janë të lumtur për fitoren e 3 pikëve ndaj Çekisë në “Air Albania”. Një sukses 3-0, që na afron akoma edhe më shumë me objektivin Euro 2024.
Menjëherë pas vërshëllimës së arbitrit Makkelie, në rrugët e Fierit ka shpërthyer festa. Një festë tërësisht e ligjshme, ku nuk munguan flamujt.
Me siguri atmosfera elektrizuese dhe zhurma e madhe e triumfit do të dëgjohet deri në orët e para të mëngjesit. Vlen të theksohet fakti se festa ka qenë disi më e qetë në krahasim të asaj ccfarë pamë pas Polonisë. Gjithsesi, për të hapur shampanjën, na duhet të presim, vetëm edhe pak.
