Sekuestrohen pronat e Jamarbër Malltezit te ish-kompleksi Partizani
Oficerë të Policisë Gjyqësore, kanë shkaur sot pranë ambienteve të ish-kompleksit Partizani, për sekuestrimin e pronave të Jamarbër Malltezit.
Ky i fundit ndodhet në burg, i akuzuar për korrupsion pasiv dhe pastrim parash në lidhje me privatizimin e këtij ish-kompleksi.
Ditën e djeshme GJKKO, njoftoi për sekuestrimin e pronave të Malltezit, dhëndrit të ish-kryeministrit Sali Berisha. Ndaj këtij të fundit është vendosur masa detyrim paraqitje në lidhje me këtë çështje.
Kujtojmë që një ditë më parë Malltezit iu sekuestrua një vilë në Gjirin e Lalëzit.
Mes pasurive të sekuestruara janë apartamentet në ish-kompleksin Partizani, tashmë një kompleks pallatesh, llogari bankare dhe tre kompani konkretisht në Homeplan shpk, ku Jamarbër Malltezi ka 45% të aksioneve, Magnet IMO shpk ku ka 100% të aksioneve dhe Magnet Gym and Fit, ku ka 60% të aksioneve.
