Sherr masiv me thika mes shqiptarëve dhe grekëve në Athinë, 3 të plagosur. Ngjarja ndodhi para një…
Një përplasje e përgjakshme ndodhur në një prej rrugëve kryesore në Athinë të Greqisë, me protagonistë dy grupe të dhunshme; grekë dhe shqiptarë.
Pesë persona u bënë pjesë e konfliktit dhe më pas përleshjes me sende të forta dhe thika mbrëmjen vonë të së martës në sheshin Hymettus.
Sipas informacioneve policore paraprake, gjithçka ndodhi kur personat e përfshirë filluan të grindeshin jashtë një dyqani ushqimesh bio, për një arsye të panjohur dhe më pas u përplasën.
Më pas njëri prej tyre nxori një thikë dhe filloi të godiste të tjerët, duke rezultuar në dërgimin e tre personave në spitalin “George Gennimatas”, informon media greke.
Bëhet fjalë për dy grekë të moshës 18 dhe 20 vjeç dhe një shqiptar 30-vjeçar.
20-vjeçari u plagos në shpinë dhe në mushkëri dhe pritet t’i nënshtrohet një ndërhyrjeje kirurgjikale.
Oficerët e policisë shkuan me nxitim në vendngjarje dhe, pas kontrollit, vunë në pranga dy persona, konkretisht një shqiptar 18-vjeçar dhe një grek 17-vjeçar, të cilët do të çohen sot në Prokurori.
