“Sherri nisi për parkingun”/ U godit me thikë pas shpine, ja kush është 41-vjeçari që u vra sot në Sarandë, Policia identifikon autorin (EMRI)
Klodian Bakiaj, 41 vjeç është personi që ka mbetur i vrarë sot me thikë në Sarandë.
Mësohet se viktima banonte në Tepelenë. Kujtojmë se Bakiaj mbeti i vrarë rreth orës 18:30 ditën e sotme pas një sherri me thika në lagjen nr.1 të qytetit të Sarandës.
Dyshohet se shkak ishte një sherr i çastit për shezlonët.
Sarandë/Informacion shtesë
Në vijim të informacionit paraprak të dhënë, ku dyshohet se gjatë një konflikti të çastit, një shtetas, si pasojë e dëmtimeve me mjete prerëse ka ndërruar jetë, në spitalin e Sarandës, ju informojmë se:
Si rezultat i veprimeve të shpejta hetimore, është bërë i mundur identifikimi dhe shpallja në kërkim e autorit të dyshuar, shtetasit Xh. T., 24 vjeç, banues në Laç.
Shtetasi Xh. T, dyshohet se gjatë një konflikti të çastit, në lagjen nr.1, Sarandë, ka goditur me mjete prerëse shtetasin K. B., 41 vjeç, banues në Tepelenë, i cili si pasojë e dëmtimeve të marrë, ka ndërruar jetë në spitalin e Sarandës.
Shërbimet e Komisariatit të Policisë Sarandë vijojnë punën intensive për kapjen e autorit të dyshuar.
Grupi hetimor vijon punën për identifikimin e personave të tjerë që mund të jenë të përfshirë në këtë ngjarje si dhe zbardhjen e plotë të rrethanave të ngjarjes.