Shisnin kanabis dhe kokainë në lagje të ndryshme të Fierit, arrestohen 4 shtetas (Emrat)
4 shtetas janë arrestuar në Fier në kuadër të operacionit policor “Tempulli 2”. Ata shisnin kanabis në lagje të ndryshme të Fierit.
Policia, falë informacioneve të marra nga inteligjenca policore arriti t’i lokalizojë 4 shtetasit Mirel Saliaj, Enri Zadrima, Fadil Shehu dhe Miklodjan Çuko në lagjen “Apollonia” ku dhe u vunë në pranga.
Gjatë kontrollit në banesat e tyre shërbimet e policisë gjetën dhjetra doza me kanabis dhe kokainë gati për shitje, të cilat u sekuestruan.
Njoftimi i Policisë:
Fier/Vijon megaoperacioni policor i koduar “Tempulli 2”. Evidentohet dhe goditet një tjetër rast i shitjes së lëndëve narkotike.
Shisnin kokainë e kanabis në lagje të ndryshme të qytetit të Fierit, evidentohen, kapen dhe arrestohen në flagrancë 4 shtetas.
Sekuestrohen dhjetra doza me lëndë narkotike kanabis dhe kokainë gati për shitje, 3 peshore elektronike dhe 4 celularë.
Specialistët për Hetimin e Narkotikëve të DVP Fier, në bashkëpunim me shërbimet e Komisariatit të Policisë Fier, në vijim të veprimeve intensive operacionale të kryera në kuadër të megaoperacionit policor mbarëkombëtar antidrogë të koduar “Tempulli 2”, pasi kanë siguruar informacion se 4 shtetas shitnin lëndë narkotike kanabis dhe kokainë, në lagje të ndryshme të qytetit të Fierit, kanë organizuar punën për kapjen dhe vënien e tyre përpara përgjegjësisë ligjore.
Si rezultat, në lagjen “Apollonia”, u kapën dhe u arrestuan në flagrancë shtetasit M. S., 33 vjeç, E. Z., 39 vjeç, F. Sh., 34 vjeç, dhe M. Ç., 41 vjeç, të katërt banues në Fier .
Gjatë kontrollit personal dhe më pas në banesat e tyre, shërbimet e Policisë gjetën dhjetra doza me lëndë narkotike kanabis dhe kokainë gati për shitje.
Nga verifikimet e kryera ka rezultuar se këta shtetas e siguronin lëndën narkotike në sasi dhe pasi e ndanin në doza, i shitnin ato në qëndër të qytetit, në afërsi të lumit Gjanica.
Lënda narkotike, 3 peshore elektronike dhe 4 aparate celulare, u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
